已故慈善伶王新馬師曾（鄧永祥）自97年病逝後，其子女與祥嫂爆發爭產事件，令關係決裂，不過事隔近10年，祥嫂和女兒鄧小艾日前終邁出和好的第一步，在跑馬地茶敍細說當年情。明晚中秋佳節，祥嫂更邀約四子女一起團圓。
由96年新馬師曾病重開始，洪金梅（祥嫂）知道其夫將永祥大廈業權轉到四個子女名下後，憤而離家出走，自此與丈夫和子女成陌路人，到97年祥哥病逝，祥嫂與子女不斷為鄧家產業對簿公堂。
「仲有乜好嬲？」
今年7月，祥嫂在爭產官司中吃敗仗（詳見另文）；而去年4月，小艾和兆尊又入稟法院要求祥嫂交出兩個合共值1,500萬的物業權，該官司即將開庭。祥嫂輸了一單官司後立刻示好，主動相約小艾在跑馬地一間咖啡室茶敍，其間被《快週刊》記者發現。本報記者昨日分別致電向小艾和祥嫂查證，兩人均承認關係好轉。
小艾一直孝順父母，但後來母女決裂，主要是因為她覺得在父親病重時，母親未有盡妻子之責，不過時間可以沖淡仇恨，經過10年的時間洗禮，母女又再度重逢，小艾昨日對本報記者說：「始終係母女，佢年紀都咁大，近年嚟佢又多病痛，以前邊個啱邊個錯都好，仲有乜好嬲呀？呢排同佢見番頻密咗，多咗了解，有啲誤會係可以消除，但我阿哥同細佬可能仲要一啲時間，先至可以同佢消除歧見。」
記者問小艾明日中秋節會否與祥嫂一起過節？她說：「我知道佢好想，但我諗今年冇乜可能，我又唔會迫阿哥做乜嘢，隨緣啦。」問祥嫂是否不欲再打下一場官司，小艾說：「佢係想和解，因上年4月我同兆榮入稟向阿媽追討兩個物業嘅業權，呢單官重未了結，佢唔想再打官司。」記者及後致電恭喜祥嫂與子女和好，她笑着說：「多謝！但我𠵱家電緊髮，遲啲再傾啦。」
兆尊潑冷水
雖然小艾態度軟化，但兆尊始終不太信任母親，他昨日在電話中對本報記者說：「最初叫佢唔好打，佢唔聽，𠵱家唔夠打先嚟表示友好，又攞埋紅簿仔出嚟話自己冇錢，我對佢嘅做法係有所保留，所以官司會唔會再打落去，我會問律師意見。」離開無綫一段時間後，最近兆尊又續約無綫，他說：「我對做戲幾有興趣，咁無綫搵我返去，咁咪又做吓囉！」
採訪：葉雪
