由杜琪峯執導，黃秋生、吳鎮宇、張家輝、林雪主演電影《放．逐》將於本月19日上映，女主角何超儀原來是首次與杜琪峯合作，自是戰戰兢兢，加上首日開工拍第一場戲就要拍她餵人奶，令超儀擔心不已。
貼乳貼防走光
何超儀笑說：「我第一日開工就拍餵人奶，杜琪峯又出名惡，為咗呢場戲我擔心咗幾日，我根本唔知點餵，又擔心BB唔聽話，好彩有個朋友啱啱生咗又係餵人奶，我去佢屋企學咗幾堂先敢埋位。」
拍攝前，何超儀先跟BB玩了一會兒當熱身，待熟絡以後才正式拍攝，她說：「我好擔心拉開件衫會走光，起初貼咗乳貼，但效果唔好，最終都冇用。」由於BB喊個不停，所以NG了數次，事後何超儀說：「BB好難控制，好彩拍咗幾次之後，佢好似知道要拍戲，突然間唔喊，導演又收貨，真係謝天謝地！」
另外，還有場戲講述黃秋生、張耀揚、吳鎮宇及林雪齊齊拍證件相，為表達戲中人的興奮心情，眾男古怪表情盡出，還互相整蠱，林雪被整了個豬嘴，吳鎮宇則慘遭「插鼻」，十分搞笑。
撰文：林杞
