食乜都好，搞N咁多花臣原來未必最好，有時還原基本步反而最好。上網，有網友搞「最鍾意出前一丁咩味麵？」選舉，結果唔知算唔算驚喜，麻油味大比數勝出（46%），接住係豬骨濃湯味（24%），其他蝦味、雞茸味、海鮮味支持率只係個位數。網友kk1668話︰「緊（梗）係麻油麵啦，配乜野（嘢）都咁好味！」hsi0804講得最中Point︰「麻油麵~~~最香係當面（麵）煮好時放啲麻油係啲面（麵）到……嘩……講起都流口水。」絕對認同，一丁魔力就係包麻油，煮好麵淋麻油，嗰陣香味簡直一絕，唔怪得茶餐廳啲乜餐物餐，轉出前一丁要$2至$3，呢三兩蚊，抵畀。
http://www12.discuss.com.hk/viewthread.php?tid=1716167&extra=page%3D1