台灣人結婚都好興送小禮物畀賓客，當係回禮。呢期台灣最興送嘅小禮物第一位係「刻骨銘心肥皂」，即係刻咗一對新人個名嘅香皂，幾乎10個有6個都會送呢個，原因好簡單，平夾實用。估唔到玻璃匙扣居然可以進佔第二位，網友超讚阿巴桑話呢排去咗3個飲宴，收到嘅禮物有兩份都係印咗新娘同新郎哥個樣嘅玻璃匙扣，雖然幾靚幾趣致，不過佢麻麻哋鍾意。排第三位嘅結婚小禮物就係手巾仔，可能成本比較貴，所以排行第三位。講到喺邊度可以訂到結婚小禮物，剛剛上個月結婚嘅網友晴晴就話上網訂又快又平，叫朋友如果時間多，就唔使幫襯婚紗舖。佢話開頭都諗住喺訂婚紗嘅舖頭訂埋，不過見上網訂做又平啲又靚啲，就上網訂。不過上網訂需時較長，如果太趕就做唔切。
笨Ben