適值中秋佳節，數碼港行政總裁楊偉雄噚日宴請傳媒，講吓關於數碼港嘅最新發展情況。席間被問及佢對於李澤楷出售電訊盈科（008）股份點睇，事關數碼港就係由電盈同政府一手綴合而成。楊總話，佢個人認為，每項投資都係為咗賺錢，因此李澤楷呢次出售盈科並無問題；況且呢單嘢捱咗咁耐，其實已唔簡單；當初提出發展數碼港呢個概念，實在係好有「vision」。
佢又講到，做數碼港行政總裁最大嘅挑戰，係點樣喺社會同商業之間取得平衡，因為數碼港係公私合營項目，要同時兼顧兩方面需求。佢又大講互聯網發展史，自89年德國柏林圍場倒下、東西方冷戰結束後，美國先將其用於軍事嘅互聯網雛形技術，公開應用於社會上。原來東西德合併，導致互聯網出現。