大家有冇喺拍賣網買過嘢？我有，但有時都幾擔心，除咗驚買咗啲假貨，都怕遇到啲變態佬。試過有一次我bid咗個LV袋，對方約我夜晚9點半喺銅鑼灣希慎道等。我去到見到嗰個網名叫Cherry嘅賣家，係個神高神大嘅麻甩仔，我都無所謂，買袋啫又唔係對親家。點知佢不斷咁問埋啲私人嘢，眼神都幾猥瑣，我梗係即走啦。\(>_ 後來同啲姊妹講，佢哋都有呢啲擔心。最近Yahoo!拍賣（auctions.yahoo.com.hk）推出咗「拍賣品交收中心」服務，設喺銅鑼灣及旺角。賣家可以寄存拍賣品，由交收中心交貨畀買家同代收錢。買家只要憑電郵發送嘅提貨單，隨時可以去交收中心一手畀錢、一手攞貨，仲可以畀現金、易辦事或信用卡方式㖭。不過要收費，10元起，各位blogger有興趣可去網頁睇： http://hk.info.auctions.yahoo.com/logistic/info.html。
逢周一至周四刊出