高爾夫球運動日漸普及，對高球會籍需求自然有增無減，但在香港想擁有高球會籍，選擇不多兼收費高昂，所以不少人轉而北上打波。香港人咁眉精眼企，即刻諗到有得「炒」，無錯今日同你講「炒」高球會籍，唔炒長揸又可以出租，就算留作自用都有保值能力，專家話眼光好，回報率可逾十厘。
點解有得炒？
由於國內已經停發興建高球會牌照，但市場對高球會籍的需求有增無減，因此會籍每年升值約5%至10%。
另外，租金回報則介乎7%至10%。據會籍代理透露，大部份買家都是高球愛好者，純用作投資的，只佔一成左右。
至於一手價高於二手價（見附表），並非會籍跌價，只是這些會籍大多是早期發出，規限只可使用舊場打波，因此市場價值較低，原持有人願意以低價沽出市場，反而造就二手市場有炒賣空間。
有乜渠道炒？
由於購買會籍涉款不多，很多買家都會一次過付款，但亦有個別買家選擇貸款支付收購價，貸款息率約6厘，年期一般不會超過5年，由於貸款額一般少於收購價50%，加上每月有租金「幫補」，實際支出有限。
至於國內高球會會籍，現時二手價一般介乎15萬至80萬元不等，租購該等會籍，最普遍的渠道，是透過會籍中介人，經紀佣金一般為交易額的1%，不少都設最低收費，約為5000元。