沈殿霞（肥姐）早前接受切除部份肝臟手術後，至今仍在瑪麗醫院深切治療部留醫。欣宜於昨晚8時，單獨往醫院探望母親，提到有雜誌指肥姐病危，她說：「大吉利是，你哋講埋啲咁嘅嘢。」至於又有報道謂因肥姐入院，欣宜要投靠父親鄭少秋，她反問：「乜嘢叫投靠呀？呢啲嘢唔講咁多呀。」續問她為何晚上才到醫院，欣宜表示因為下午要到銅鑼灣買東西。
欣宜於病房僅逗留了半小時，於8時半跟姨媽一起離開。問她有關肥姐的病況，她沒有回答，問到日前有人闖病房探病，欣宜說：「我知啦，我都喺度。」會否加強病房保安，她說：「會呀，𠵱家處理緊。」胡楓昨晚也送上花籃慰問肥姐。
阿姐台慶等肥姐
此外，阿姐汪明荃日前接受商台訪問，表示希望肥姐能擔任下月台慶的司儀，她說：「台慶冇咗肥姐唔得。」之後又談到與肥姐共事時的趣事：「肥姐巴巴閉，成日都大大聲，佢有佢好處，得佢出聲，大家都費事出聲囉，佢睇唔過眼實講。」採訪、攝影：
藍文浩、胡比、娛樂突發組