緋聞男女胡杏兒和黃宗澤昨日同場出席活動，兩人起初表示不介意合照，不過當記者拉攏兩人靠在一起時，黃宗澤的「𤓓友」吳卓羲卻忽然做電燈膽夾在中間，台下記者齊聲趕吳卓羲落台，不過他竟賴死不走，令胡杏兒十分尷尬。
胡杏兒、黃宗澤、吳卓羲、側田、Twins和貝安琪等昨日到中環出席「演藝家年獎2006」新聞發布會，頒獎禮會於今年12月1日舉行，所有得獎者都會經由讀者投票及專業評審團選出。
「佢叫我咁做」
昨日活動星光熠熠，不過全場焦點則是胡杏兒和黃宗澤這對緋聞男女，當記者拉攏兩人在台上影合照時，一向做盡𤓓事的吳卓羲為了好友，竟不惜做電燈膽，夾在兩人中間，及後更慘被記者趕下台，不過他依然賴死不肯走，還表示要影多一張相才罷休，令胡杏兒十分尷尬，幸好最後她和黃宗澤也有機會單獨合照。事後吳卓羲更抵死說：「我都係幫一幫兄弟啫，我博搶鏡嘛，其實係佢（指黃宗澤）打電話叫我咁做。」
黃宗澤表示因之前忙於拍劇，故昨日才一睹收身後的胡杏兒，他大讚緋聞女友說：「佢不嬲都咁靚啦。」至於胡杏兒就坦言收身後上圍縮水，她笑說：「呢個係好正常生理定律，高峯期都係因為個背厚，總之曾經擁有就得，唔在乎天長地久。」
側田唔驚冇獎
此外，對於金牌歌手集體缺席無綫《翡翠歌星賀台慶》，黃柏高表示因為他們早於10個月前已接了內地一個音樂會，不過往後會盡力遷就檔期，他不擔心因為今次時間會令到旗下歌手會失去年尾頒獎禮奪獎的機會，同場的側田則表示如果缺席而沒獎是非常荒謬。
採訪：駱華齡
攝影：陳慧安
