如果你諗住手錶淨係用嚟睇時間或者裝飾嘅話，會唔會齋咗啲呢？SonyEricsson日前就公布一款內置藍芽功能嘅防水手錶MBW-100，玩不銹鋼錶帶已屬慣常指定動作，更過癮係支援藍芽耳機兼可操作音樂播放、暫停及選曲分唇，戴住出街唔型至怪！
其實手機Crossover手錶都唔算係咩Fresh料，之但係SE今次並非匿埋自家炮製咁簡單，而係結合咗歐洲名廠Fossil嘅Design以及硬淨特性，例如採用襟跌襟撞嘅不銹鋼錶帶、可防刮花嘅水晶材質錶面，以及可潛入30米水底等，睇落一啲都唔玩具Feel㗎！呢款藍芽手錶大約喺今年第四季就會推出市面，有興趣不妨留意吓！
記者：陳國輝
PROFILE：潛水30米、備用7日、操作音樂播放、訊息提示、接駁手機做Handsfree