蘋果財經逢周五都會進行一項散戶指數調查，透過電話訪問，了解散戶對下周股市的看法，並將調查結果於下周一刊出，讓讀者感受大市氣氛。估唔到在美國亦有相類似調查。
美國財經研究及財富管理公司BirinyiAssociates的《TickerSense》網站，就有一個名為博客情緒調查《BloggerSentimentPoll》，訪問的對象並不是普通的散戶，而是專業的投資者。
佢哋每逢周四會喺網站訪問50多位互聯網著名投資博客，如《24/7StreetSt》、《SeekingAlpha》及《MillionaireNow》等，調查他們對美國股市未來30日嘅展望，並喺下周一公布結果。呢項調查嘅目的係畀投資者了解股壇上最頂尖嘅投資博客對市場走勢嘅看法同預測。
該網站剛公布最新嘅調查，展望10月份的美國股市走勢，睇淡嘅博客比例由上周50%跌至45%；而睇升嘅亦由33%躍升至40%；保持中立嘅就由16.67%跌到15%。
若將呢個調查嘅過去結果同標普500指數作比較，便知道其預測的準繩度並不太高；過去3個月投資博客普遍看淡美股，但標普500過去3個月卻差不多升了近4%。所以專業投資者的眼光都未必較普通散戶準確，他們的意見僅供參考。
報料電郵：[email protected]