無綫上周黃金時段收視全面下跌，周六嘅《勁歌金曲2006優秀選第二回》雖然人氣偶像雲集，但一樣留唔到客，總共流失咗39萬觀眾，平均收視只得15點（約96萬人次收看）。被網友批評所有主持人都應該炒魷嘅《遊戲天王》收視繼續下跌，只有23點（約148萬人次收看）。至於亞視搵嚟黃偉文（圖）主持嘅《以一敵百》就上升1點，平均有32萬人次收看，成績唔錯。