招商銀行（3968）上市至今累升37.1%至11.72元，網上散戶對此各有看法，雖然有股民仍看好招行後市，不過亦有不少股民睇淡，靜待工行上市時機。
在《香港討論區》內，waltzno1認為：「（招行急升）因為call輪畀人買咗好多，輪商要買番正股做對沖。」cartman000就認為，短期內招行難以再大升：「等散戶拋晒啲貨先有機會升。」。亨利哥哥就吹淡風：「我睇升唔到好多嘅，所以唔好高追喇，因為我估計佢到明年6月前應該有12元。」mu2005稱：「𠵱家個市風頭火勢，走一走先了。」他更提醒網友不要被招行近日升勢所吸引，主因股價太貴，倒不如留錢抽工行。
bbbyu卻有另一番見解：「買股票唔同買菜，唔係平就係正，要睇吓供求，工行籌咁多$$，想升都難。」網友大長賓語帶諷刺：「LV一個手袋幾千蚊啲人都搶住去買，雜嘜brand嘅手袋幾十蚊都無人買，點解？」網民志願軍更堅持：「死都唔沽！」
yylam713指出：「始終我覺得招行嘅估值已經好貴，同埋又唔係龍頭，現價不值得買，我有錢嘅話，會買多啲工行仲好。」他更表示自己在11元已沽招行，準備工行上市時大手入貨。