絕迹娛樂圈多時的39歲「波霸」葉子楣，前晚罕有地現身灣仔國慶煙花酒會。以密實打扮到場的她，透露現時在澳門從事牆紙及飲食生意，傾談時她突然說：「我要澄清呀，啲雜誌成日話我上圍有40吋，邊有咁大呀！我得36吋咋，𠵱家好多人都有36吋胸啦！」
跟男友未婚
記者質疑她胸前偉大，絕不像一般級數，她說：「係因為我當年得20吋腰，所以比例誇張啲啫，𠵱家肥咗10幾磅，有23吋腰，睇落冇咁誇張囉。」葉子楣又十分懷念往日拍電影的日子，雖然近年有人邀她復出，但因為壓力大而拒絕，她續說：「仲有呀，我同呂醫生（呂錫照）仲未結婚㗎，我哋拍咗拖15年，唔使呢啲嘢，唔好再叫我呂太喇。」
採訪、攝影：顏英儀