東航兩年前個單包頭11．21空難，跌咗落南海公園南海湖，冇咗55條命唔係重點，阿南海公園管理處話，你東航成架飛機跌落個湖，造成咗嚴重污染。 為咗證明有幾污染，搵埋不同專家部門，整咗份成五萬字嘅《生態環境影響調查報告及環保方案設計書》，當中包括，評估呢次空難對環境、公眾心理同埋生態破壞的影響，構成1.052億元經濟損失，仲計埋復修個湖要幾多錢……最後裁定，東航埋單，要賠2140萬人仔……但點解從來冇人、或者部門提過，個55條人命要賠幾多，難道55條命抵不上一個屬於死物嘅湖？