東力實業今年9月之前，凌少文身兼董事總經理嘅主席，除咗要睇住成個董事局，仲要做埋行政總裁，要負責嘅公司日常業務運作，同埋企業發展，真係忙到不得了！
不過，到咗10月1號，佢就可以輕鬆些少喇，因為東力升咗原本負責睇住盤數嘅董事兼公司秘書廖開強，做首位行政總裁，減輕吓凌主席嘅工作。
𠵱家廖生除咗睇住盤數，仲要睇埋公司日常營運，凌主席就主力顧番企業發展嗰邊，而公司秘書一職，就交咗畀原本都係負責財務嘅王佩珊擔任。
睇番廖生嘅背景，讀會計出身，有齊晒CPA同ACCA會員資格，入咗東力都差不多有10年。睇盤數一定冇失場，不過，唔知新上任行政總裁個位後，會唔會唔習慣個工作性質呢？