一個人腳風順零舍囂張啲，好似布力般流浪前鋒麥卡菲，佢話好想同離咗隊嘅比拿美講聲多謝喎。原因好簡單，麥卡菲話比拿美唔走，佢就冇機會加盟布力般。今季麥卡菲喺聯賽已經入咗3粒，比拿美就仲未「開齋」繼續潦倒，個勢咁頹實要俾人寸吓㗎喇。但正所謂「山水有相逢」，麥卡菲講埋啲風涼話好冇品啫。