台灣歌手潘美辰前日喺西藏舉行音樂會之前發生車禍，俾一架開得好快嘅車撞到，同行嘅工作人員上前同對方理論，結果潘美辰俾對方車上其中一個男人勒住條頸。醫生話潘美辰手肘同膝蓋受傷，喉嚨嘅軟骨水腫，不過因為佢噚日要去西安表演，所以唔可以即刻返台灣接受治療。佢話肇事車主係窮苦人家，加上已經寫咗悔過書，所以唔會再追究。