「如果媽咪好惡死咁喝個仔『快啲笑！』，囝囝一定笑唔出。」BabyDreamland攝影師Andy教路，要令BB放鬆及笑得開心，家長扮演的角色很重要，「家長係BB最熟悉嘅人，父母帶啲佢最鍾意嘅玩具引佢笑，投入啲同BB玩，氣氛會好開心，影出嚟嘅相先會好。」
可免費改期再拍
Andy說，兩三小時的拍攝時間，當中最少要給小朋友休息及玩耍45分鐘，其間攝影師會安排助手與嬰兒玩耍逗他們笑，「影相前同BB混熟，等佢唔會抗拒我哋。」該公司市場經理Serina笑說，她甚至試過搔BB腳底令他「笑到咔咔聲」。
兒童王國攝影世界負責人Fanly，面對扭計BB也有絕招，「有次個媽咪話BB好怕影相，一見相機就喊。」攝影師最後想出一條「絕橋」，躲在一塊有洞口的板背後，將鏡頭伸出洞口拍攝，終拍得BB燦爛笑容。不過，BB真的「不合作」，影樓一般願意免費改期再拍。
記者採訪當天，家長羅太首次帶1歲女兒到影樓，拍照前已餵飽女兒及給她睡了幾小時，冀拍攝BB最精靈一刻，「喺屋企日日都有幫佢影，影樓就專業啲，啲衫又得意啲。」
本報記者