朱耀明牧師噚日帶埋成家人，出嚟幫「基督徒支持普選連線」參選選委造勢，但最落力都係朱牧新抱，佢下個星期就生得，但仍然大住個肚嚟幫手。朱太吳綺玲話，預產期係10月13日，到時屋企就會多個BB女啦！ 朱牧師嘅太太同個仔都係做社工，就嚟抱孫嘅朱牧師當然好開心，唔知係咪因為要幫手湊孫，朱牧師就唔參加宗教界嘅選委會選舉，只喺幕後幫幫手。 今次基督教由教友普選產生選委，唔知會唔會有啲內地公安、國安嚟香港扮教友投票，干預選舉結果？但朱牧師好老定，因為每個堂區都有受洗教友名冊，冇可能畀其他人投到票嘅！