一聽到音樂，我就會好想跳舞，除咗拉丁舞、Flamenco，我連去gym都係跳𠵱家最興嘅健身舞NikeRockstar。
所以，我都好鍾意睇跳舞show，10月20同21號，我就買咗飛睇美國當今最紅嘅華人舞者──沈偉嘅《春之祭》同埋《天梯》。＜(^o^＜)(＞^o^)＞
精於瑜伽嘅沈偉身段好柔軟，呢樣嘢西方人就無我哋東方人咁好。佢喺《春之祭》加入京劇做手同步法，而且仲會喺佢親自製作嘅巨畫上面跳舞。
至於未喺亞洲演出過嘅《天梯》，就最有東方美，因為打扮大膽嘅舞者，動作好優美，就好似一塊白玉咁乾淨，而且最後20分鐘節奏會好緩慢，講真，都幾挑戰我哋觀眾㗎，真係少啲精神都可能會……。(--)zzZ
各位想睇嘅話，可以打電話去問吓：23701044。仲有呀，提醒各位到時會有裸露場面㗎，唔好大驚小怪咁叫出嚟，失禮死呀，OK？
逄周一至周四刊出