商品及服務稅（俗稱銷售稅GST）搞到神憎鬼厭，點解政府仲要繼續推？真係得煲呔同唐唐兩個人至知。
既然政府唔肯順從民意叫停GST諮詢，立法會梗係要出手至得。立法會呢個月18號復會，第一個辯論，就係由民主黨楊森提出，反對政府推GST，觀乎各個黨派對GST嘅痛恨程度，相信都會喺各大黨派支持下通過啩。
民主黨經濟事務揸fit人單仲偕就話，佢哋已經同自由黨傾過，知道自由黨一定支持，都放下半塊心頭大石；另外半塊，當然係民建聯啦。但民建聯話咗反對GST㗎嘛，唔會為黨派之爭而改變立法啩？單雞只係希望，大家可以合力「叮」走GST；如果政府夾硬繼續推，後果就自負喇。