玉兔下凡 - 李八方

  玉兔下凡 - 李八方

喺咁多中國傳統節日之中,八方最鍾意中秋節。在秋意中月光下提燈夜行,不知幾咁浪漫;同家人朋友團圓吃喝,感覺又好實在。細路仔仲開心,可以奉旨玩火──梗係唔係煲蠟,係點燈籠,但𠵱家啲燈籠好多都係用電,好似呢期細路最興玩軍曹燈籠,但八方始終覺得兔仔、金魚燈籠可愛啲。
中秋有玉兔嘅傳說,將軍澳新都城中心噚日就搞咗個巨兔大賽,超過70隻真兔參加,競逐「最長耳兔 兔」、「最大腳板兔兔」、「兔中巨無霸」、「最可愛造型」等殊榮。八方都係第一次親眼見到咁多唔同品種嘅兔仔──唔係,應該係巨兔。如果呢幾日想睇兔仔,都仲有機會,因為呢個商場擺咗個全港最巨型30呎高幻彩兔仔燈籠。

噚日有超過70隻巨兔聚首一堂角逐巨兔大賽多個獎項。