關楚耀同衞詩（Jill）兩個都各自名花有主，但因為一次行街被人影咗相，就被傳擦出愛火花。噚日佢哋喺馬鞍山出席活動否認緋聞，兩個大方合照，Jill仲主動搭男方膊頭影相，關楚耀話：「我哋識咗一段時間，雷頌德幫我哋監製啲歌。我女朋友都知我同Jill行街。」阿Jill就話：「我男朋友唔知佢係邊個，都有問。我男朋友都唔係咁鍾意我單獨同男仔出街，但係佢𠵱家都開始明白呢一行會接觸好多人。」