甚麼叫做「惡人先告狀」？何謂盡忠職守？YouTube近日一段記錄了香港偷嘢阿叔的片段可以提供參考答案。在該個點擊率達14,732人次的1分17秒長片段中，一名赤膊阿叔被一名女職員拉扯着，正希望擺脫糾纏，但女職員偏不放手，拉着阿叔說：「等差佬嚟呀你！」
涉嫌偷汽水「斷正」
據上載片段的網友lungkk稱，事發於銅鑼灣駱克道一家便利店，片段中的赤膊阿叔涉嫌偷汽水而被職員攔截。赤膊阿叔與女職員糾纏間，竟辱罵女職員，「你個死肥X，走呀你！」正當他欲奪路而逃，便利店一名男職員展開雙臂，擋在門口，並着阿叔「你企埋埋邊呀！」
赤膊阿叔沒有就範，還講粗口，男職員這時說：「嗱，你再講，我幫拖㗎啦，我哋有三個人喺度呀！」女職員接口大聲說：「我哋報咗警啦！」阿叔惟有死撐：「我都未離開你呢度，我攞咗你，我就走咗啦，我就係唔記得去㩒機……一陣間攞錢嚟咪得囉！」不過，包括「揸機」拍攝的三名便利店職員「左等右等」，警察始終未到。