謝霆鋒與張栢芝秘密到菲律賓結婚,事前其父母謝賢和狄波拉毫不知情,拉姑有感不被尊重而傷心欲絕。原來霆鋒結婚,事前他的一班好友都早已知曉,郭偉亮(EricKwok)前晚在新城的音樂會坦承為霆鋒婚禮作見證,同場任嘉賓的女友葉佩雯透露自己也有出席婚禮,談到拉姑生氣一事,她說:「唔知呀,我只知我自己要出席,嗰班人中我最後一個知。我呃咗公司,我話我去睇麥當娜,好內疚。」
有BB好正常
霆鋒另一好友劉浩龍說:「希望佢有小朋友畀我玩,有BB都好正常,結咗婚嘛。」問他是否事前已知悉?劉浩龍說:「之前當我唔知啦。作為後輩我唔知有乜好講,叫佢𠱁番阿媽先囉。」問他送甚麼結婚禮物給霆鋒,劉浩龍說:「其實我之前去日本睇麥當娜時已買咗。」何超儀被問到如何看待霆鋒婚事不告知拉姑一事,她說:「咁大個人,自己做事自己負責,呢啲係佢哋家事。」
採訪:駱華齡 攝影:陳偉權