沈殿霞昨日仍在瑪麗醫院深切治療部留醫，對於外間一直盛傳她的病情嚴重，其好友張學友對此十分關注。
關心肥姐病情
前晚學友出席名髮型師Herman所開設的中環新髮型屋開幕禮時，他說：「我打過畀陳太（指陳淑芬），了解肥姐病情已經有好轉。其實喺兩、三個月前我曾經同肥姐食過飯，當日已知道肥姐有膽管炎，不過𠵱家仲唔係咁方便去探病。」
記者問學友對欣宜有意加入娛樂圈的看法時，他笑說：「我覺得欣宜已經入咗娛樂圈啦！如果佢要，當然會幫忙啦！」此外，學友前晚與Herman表現得非常老友，他說：「我同Herman識咗已經有20年，佢幫我剪頭髮都有10幾年時間，向來佢要我剪乜嘢髮型，我就剪乜嘢髮型。」
採訪：楊潔雯 攝影：陳志嵐