和黃（013）喺全球發展3G，搞咗幾年，到𠵱家仍然流緊血，令到分拆上市計劃一拖再拖。喺香港，佢間姊妹公司和電國際（2332）經營嘅3G服務，近日又再出現問題，和記電話只解釋，今次純粹係硬件出現問題，但又唔講受影響區域有幾大。
不過，喺《香港討論區》入面就有人講，當日接獲3香港通知，由於技術故障，港島多個區域服務受到影響，包括中環（長江中心）、金鐘、灣仔、銅鑼灣及柴灣。佢仲話，用戶唔單只打唔到電話，連接聽話都唔得，仲建議人哋，若果喺office，就「飛」條線落個固網電話度。
網友「生命麵包」就話，上晒電視，喺人都知，真喺唔多掂喎；佢仲唔信喺硬件問題，肯定人為，係MSC做錯嘢。kelvin_liu就好抵死咁話，本身唔去邊幾區嘅...咁就未冇影響囉！