吳君如自與陳可辛誕下愛情結晶品後，母愛大發，大部份時間都花在照顧愛女身上，這幾個月來幾乎已斷絕與外間的接觸，難怪君如前晚出席Herman髮型屋新店開幕禮時，她笑說：「為咗個女，我冇晒啲朋友啦！𠵱家只可以同啲媽咪級嘅朋友來往，好似呢排我就經常同邱淑貞傾兒女經。我都諗過想追多一個仔，但因為我係開刀生第一胎，如果要再生，都要一年後先可以再生。」
朱茵賀好友
此外，朱茵、梁家輝、陳冠希、林嘉欣與吳卓羲等，前晚也有出席開幕禮，朱茵被問到會否忽然與黃貫中結婚時，她說：「我同佢有默契，肯定唔會咁做，呢啲嘢冇得迫。」至於本月18日會否擔任男友個唱的神秘嘉賓，她則謂：「應該唔會，但我會去捧場，如果佢臨時叫我上台，我都唔會肯上台嘅。」
採訪：楊潔雯 攝影：陳志嵐
