性教育促進會會長黎定基指出，部份男性有收集或偷取女性內衣褲的癖好，是性偏好中戀物的一種，他們「唔一定係錯」，但由於他們的行為與社會道德標準及法律有所牴觸，因而要接受治療，重建正常社交生活。
黎定基指出，患戀物癖的人大都有社交缺陷，「佢哋朋友唔多又細膽，建立唔到正常嘅男女關係，冇途徑畀佢哋發洩，所以就容易形成呢種癖好，要重建正常社交生活，先可以改善佢哋嘅行為。
他又指出：「呢啲人係鍾意人哋用過嘅內衣褲，因為佢哋要嗰種氣味。如果佢老婆送畀自己老公，唔係問題嚟喎，不過多數都唔會係咁。日本有戀物癖嘅人會去買人哋着過嘅底衫褲，香港冇得買，所以最簡單嘅方法咪去偷囉，咁先係犯法。」
新聞資訊研究組