譚耀文拍亞視套新劇《義無反顧》，噚日喺北角錄主題曲。套劇葉德嫻都有份做，阿譚話好想同葉德嫻一齊合唱，本來都傾過吓，但最後都唔知點解冇咗下文。傾傾吓發覺阿譚個鼻損咗，佢話早幾日同劉凱威拍對打戲，用支竹打凱威，點知反彈到自己個鼻，仲即刻流血㖭，後尾拍完戲走咗去九龍塘浸會照X光，好彩鼻骨冇乜大礙。