震驚全個足球界嘅意大利假波醜聞，經法庭審判後已告一段落，但係近期英超都傳出醜聞，有人涉嫌收受利益，真係令球迷失去信心呀！
我個人覺得𠵱家啲足球比賽同以前好大分別，各位同唔同意呢？以前嘅足球員畀人感覺係會盡力去踢每一場比賽，將好波送畀佢哋嘅球迷，而受人愛戴，但現今球員就唔同，好多都只向錢看，私生活就更加唔使多講，搞到自己知名度下滑，真係唔知啲球員想點？我真係好希望以後唔會再有假波醜聞出現，令到球迷相信足球依然係一個健康同公平嘅活動，球員都可以繼續踢快樂足球！
05歐冠決賽難以忘懷
經典足球賽事05年歐冠決賽AC米蘭對利物浦，我諗大家都唔會忘記！利記上半場落後3球，下半場好似兩隊波咁，一口氣連追3球，最後射12碼贏埋。
之後各人都議論紛紛，話場波係假，又話好彩先可以捧盃，點都好啦！有啲咁好睇又刺激嘅賽事，已經值回票價啦！
TOBY梁靖琪
走出女生宿舍依舊人氣高企，不惜捱更抵夜睇波。