甄子丹呢排成日同靚老婆汪詩詩出雙入對，噚日仲上埋山頂出席蘇格蘭威士忌品牌格蘭傑嘅試酒會，佢話最近結婚三周年先首次同太太度蜜月，佢話：「當年結婚冇去度假，今次去咗馬爾代夫，第一次潛水仲俾周圍啲鯊魚嚇親。」記者笑佢咁好打，應該打贏鯊魚，甄子丹笑住說：「打贏沙甸魚就得！」同場嘅許晉亨外甥郭永聰就宣布同拍拖十年嘅女友李兆婷拉埋天窗，喺12月23日一連兩晚擺喜酒。