由黃偉文（Wyman）主持嘅亞視遊戲節目《以一敵百》近日密密做宣傳，可能大家都唔係好明白個遊戲玩法，所以亞視噚日就專登搞咗個記者會，話喺六集入面已經有參賽者贏取超過40萬獎金，Wyman仲親手頒贈支票畀嗰位參賽者。至於講到收視，Wyman就話希望可以踢場好波，佢話：「總之台前幕後都盡咗力，好多好難睇嘅節目都有30點收視啦。」