恭喜森美再做老竇！原名梁志健的森美早已育有一名四歲兒子，其妻於上周一凌晨為他再添一名女兒，湊夠一個好字過中秋。據悉，森美為此高興得不得了，第一時間以短訊向部份好友報喜，並一直留守妻子身旁。
上周一晚，32歲的森美在商台主持《架勢堂》節目，當他講及沈殿霞住院話題，本欲說自己也曾到醫院，說到嘴邊即改口說：「我感冒噚晚都去醫院睇醫生…」談到各地的工作環境，小儀提及男士的產假，森美說：「香港啲好嘅公司，老婆生咗，老公有一日假，我哋公司咪冇囉，我唔係話呢間公司唔好，只係咁講。」小儀謂可能商台少人生仔，然後森美又興致勃勃談產子話題。
冇產假請病假
原來上周日晚森美收工後在醫院陪伴快要臨盆的太太，到凌晨時分，其妻為他添了一名女兒，母女平安，與他們今年四歲的兒子湊成一個好字。據悉，森美太太的預產期本來在今個月，但夫妻商量後，決定擇日剖腹。小女兒出生後，森美興奮得以短訊向好友報喜。上周二，因商台沒有「老公產假」，森美即以病為由向電台請假，由余廸偉頂替主持節目一晚，讓他專心照顧妻兒。
森美太太住院四天，但因她不想曝光，及為免消息走漏即帶着女兒匆匆出院，返家休息兼一家人在今周五過中秋慶團圓。到近日，森美將妻兒照顧得妥當後，即再廣發短訊邀請朋友到其家探望他的新生女兒，吳君如也曾在節目《她他她打到嚟！》中恭喜森美。
昨日，記者致電森美恭喜他又再做老竇，他於下午三時許仍在睡覺，未知是否忙於湊女終徹夜未眠，他沒否認已生女，只謂休息完再回覆。
拍檔好友保密
阮小儀昨在電話中談到森美又添丁，她笑說：「嘩，你問咗森美未㗎？佢認咗未㗎？」難道她不戥拍檔開心？小儀說：「你哋太敏感呀，不過我幾時都恭喜佢嘅，君如恭喜可以係好多嘢㗎。」小儀又以正在駕車為由匆匆掛線，實行盡力為老友保密。
古巨基昨日在電話中被問到可知森美生女，他扮儍說：「吓？生日？恭喜佢喎，但好似未到喎…」多番追問後，他才說：「祝佢生生猛猛呀。」隨即匆匆掛線。
採訪：蔡如玉
