為咗協助宣傳電影《超女．強勢回歸》，官恩娜自爆天生唔識「治仔」。噚日佢着住女超人T恤加超短裙嘅「超人」套裝，現身旺角百老匯戲院，一開始佢就係咁講同電影有關嘅嘢，佢話：「我就唔似套戲入面嘅女主角咁，識得治仔，我由細到大都俾男仔蝦，我阿哥成日打我又唔畀我瞓，我仲曾經以為第日拍拖係要俾仔打，所以我細個好憎男仔，搞到16歲先開始拍拖。」
