謝霆鋒與張栢芝日前秘密奉子成婚，霆鋒連感情要好的雙親也未有知會，令母親狄波拉（拉姑）痛在心，日前她雖然未有接聽電話，卻在留言中大表痛心，相反，謝賢表現平靜，為何父母對霆鋒成婚之事反應有所差別？
改善關係要主動
昨日本報致電中文大學精神科學系教授李誠，他說：「一般嚟講媽咪同個仔係會close（親密）啲，個仔結婚多少喺感情上有俾人搶走嘅感覺，加上結婚冇被知會，奶奶會因為咁，有失落、焦慮同心情低落，可能仲會導致婆媳糾紛，所以要有適應期。跟住就好睇個仔識唔識做，做啲嘢𠱁吓媽咪開心，咁做仲可能會令到媽咪快啲想抱孫。喺研究上，奶奶同媳婦關係需要主動、用心機培養，咁自然會慢慢鍾意大家。」