【本報訊】運輸署上月舉行首個自訂車牌拍賣會，「1L0VEU」（我愛你）車牌以140萬元高價成交，掀起市民自訂車牌熱潮。不過，從事電腦業的陳先生卻偏愛傳統車牌，昨只花了4,000元便投得以愛妻英文名縮寫及生日日期的「ML831」車牌，「唔使用140萬咁多投我愛你車牌，都一樣代表到我對老婆嘅關心同愛意。」
20個車牌被迫收回
運輸署昨在灣仔會展舉行幸運車牌拍賣會，共拍賣240個車牌，未知是否受自訂車牌計劃影響，上、下午兩場拍賣會只吸引約200人到場競投，場面冷清。大部份車牌成交價都低於5,000元，另20個車牌因無人承價而要收回。
競投氣氛雖然冷清，但仍有鍾愛傳統車牌的市民到場競投。陳先生花了4,000元，投得太太英文名縮寫MayLin及生日日期的「ML831」車牌。他表示，「ML831」意義遠勝「1L0VEU」，「愛嘅人可以好多，但老婆生日同英文名只得一個，攞嚟做車牌梗係好啲啦。」另一競投者黃先生則用了17,000元，投得「ML688」車牌給愛妻，「ML唔知算唔算係MyLove（我的愛人）意思。」
「MAGG1EHA」搶眼
昨日最高成交價及競爭最激烈的是無字頭「1979」車牌，一神秘女子經近30次承價，最終較底價高出三倍的26萬元投得。
此外，有線電視前CatGirl夏詩韻（Maggie）早前以5,000元投得「MAGG1EHA」車牌，並已掛在其平治房車上，對此她表現雀躍：「梗係開心啦，自己個名嚟嘛，話畀人聽我叫MaggieHa。」坐在這「獨一無二」的私家車上，為她招來不少艷羨目光，因為每逢駕車出街人人都望着她的座駕，「似明星囉，係咁畀人望，好興奮㗎，扮到天仙咁靚都未必有人望，因周街都係靚女。」已轉行售護膚品的Maggie正考慮把其手提電話號碼9306××××做車牌，「車牌八個字都全係數目字，都好特別。」
