鋒芝秘婚一事連日來都是圈中熱話，昨日最新的話題是「結婚應否事先知會父母」，其中陳奕迅笑稱整個娛樂圈都圍着霆鋒轉，所以要和他劃清界線。
陳奕迅（Eason）：我未親耳聽到都唔信，我又唔喺現場，證明我哋幾好朋友呀。成個娛樂圈圍住佢哋，唔使嘛？做乜乜嘢謝霆鋒都要嚟問我？Ihatehim（我恨他），Nicholas（霆鋒英文名），我今日要同佢劃清界線。
趙世曾：作為父母，仔女大咗，乜嘢時間結婚、擺唔擺酒對我係冇乜所謂，最緊要係視乎佢同邊個結婚。若果個對象係好好，我可以接受；若果個對象唔適合佢，對佢前途有影響，或者破壞佢工作發展嘅，我就會反對同埋叫佢慎重再諗清楚啲。
向華強：我事前唔知佢哋結婚，𠵱家知，恭喜佢哋，合約嘅嘢就要問番向太，我好少理。
羅家英：祝福佢哋兩個恩恩愛愛，阿姐都讚過佢哋兩個有夫妻相，希望佢哋好好哋。後生仔女好難教，有乜嘢聽日先講啦。