現年32歲嘅彭妮露古絲，入行處女作係法國電視劇《Serierose》，92年喺西班牙片《共夫共妻》（JamonJamon）嶄露頭角，之後因為演出艾慕杜華嘅《論盡我阿媽》而備受注目，佢曾經離開西班牙到荷李活發展，成為性感女星，不過拍過嘅作品唔算出色，除咗喺《魂離情外天》（VanillaSky）入面做𤓓佬湯花瓶之外，佢同馬修麥康納希（MatthewMcConaughey）合演嘅《撒哈拉奇兵》（Sahara）亦被視為荷李活爛片，不過佢喺歐洲反而有出色嘅表現，好似04年同意大利導演兼演員沙治奧卡斯廸里圖（SergioCastellitto）合作嘅《激情．別動》（Don'tMove），放棄美貌以醜女扮相，獲國際影評人激賞。