何韻詩自參加《新秀》出道至今十年，本月底在紅館舉行處女個唱，不像現在快速上位的歌星，她踏上紅館舞台並非僥倖，想來會不會自覺辛酸？她說：「咁反而令我識得珍惜，我唔鍾意僥倖，可能金牛座性格令我覺得腳踏實地有多啲安全感，每嚿磚都係自己砌嘅，知道有幾穩陣，行到上頂再望番落嚟，滿足感大好多。」
介懷被指扮阿梅
不少歌手開個唱也唱梅艷芳或張國榮歌曲向他們致敬，身為阿梅徒弟，來個致敬環節似是必然，阿詩卻說：「唔會太刻意，唔想咁煞有介事去做，呢幾年嚟，要講要表達嘅都喺我嘅碟或者歌裏面表達過，去到呢啲位，我鍾意心知就得。」
阿詩坦言初出道時曾介意被指扮阿梅，才會走rock女路線，因為阿梅不會拿起結他唱搖滾歌，但日子久了，已不再介懷，因為不管直接身教抑或間接影響，阿詩心中本就深植「梅艷芳成份」，她說：「我𠵱家唔會避，我根本冇刻意模仿，其實點做都滿足唔晒全部人，就滿足自己先囉。」
阿詩的歌手路，除了梅艷芳，讓人印象難忘的還有歐倩怡，很想看二人同台合唱《小丸子》，阿詩聞言笑說：「呢個提議都幾好，不過我冇固定嘉賓位，一定會請佢嚟睇。《新秀》第一次試音時，佢就坐我隔籬，千幾人參加，咁啱都有。我哋華星之後都冇聯絡，見佢結婚都戥佢開心，始終一齊經歷過好多嘢。」