城市大學犯罪學課程主任黃成榮博士認為，回流移民一家三口同犯案，有理由相信父母的人生價值觀已出問題，以致女兒亦受影響，加上在港事業發展失利，覺得不公平，便會產生報復心理，遇到犯罪集團引誘，便做出不當行為。
犯罪學家黎定基則指出：「賊家庭一家三口出動偷嘢，通常會分工行事，有啲會做掩護，有啲就落手偷。衣着光鮮都係掩飾罪行嘅一種方法，佢哋會覺得店員對爛身爛世嘅客特別注意，所以着得好啲，就冇咁被懷疑。」
黎又稱，在賊家庭長大的子女，容易受父母影響，成為偷竊罪犯，「仔女受到家庭嘅價值觀影響，認為呢啲行為又唔係傷天害理，冇咗道德標準嘅壓力，會合理化去解釋自己犯罪嘅行為。」若父母自幼向子女灌輸偷竊是平常事，子女就會信以為真。
偷竊集團付三成酬勞
要為賊家庭的成員改過自新，黎定基說一般會用心理治療，首先深入了解他們偷竊的原因，是病態還是其他問題，更要所有成員戒偷的信念一致，如某一成員心癢重施故技，可能影響其他成員一起再犯，治療成效便大打折扣。
據知情人士稱，現時偷竊案件多涉集團式犯罪活動，主腦會僱用大批竊賊代勞，從超市、藥房、時裝店偷來的貨品，會按性質於本港和內地銷贓，一些藥丸、維他命丸、安全套、洗頭水和牙膏等會拿往集團經營的小藥房脫手，集團主腦會給予偷竊者約三成酬勞，例如偷到一千元貨品，他們就可獲三百元報酬。至於一些名牌時裝或奶粉等貴價物品，就會拿往內地當水貨銷售，因為利錢較高。
本報記者