公民教育委員會喺十．一國慶日，推出新一輯名為「承我薪火」嘅「心繫家國」國民教育電視宣傳短片。同以前兩輯最唔同嘅係，新一輯短片係由香港兒童合唱團演唱國歌，畫面繼續配有國歌歌詞。
短片共有12集，內容分別以12個中文字為題，例如孝、秋、融等，希望藉此令市民更認識港人對自身文化傳統嘅認同。一如以往，短片會繼續喺三間電視台新聞播出前播放。
雖然心繫家國呢套短片成日俾人話有洗腦之嫌，但係民政事務局喺今年2月訪問咗1,800位市民，發現超過七成受訪者認為短片有助市民認識祖國同埋國民身份，另有六成受訪者贊成繼續播放短片。
言下之意，即係市民好buy，無問題吖，可以繼續再搞落去囉。