江欣燕昨日與林家棟到有線電視接受張達明節目《毒篤笑》的訪問，達明聲稱嘉賓名單要經過禁毒署嚴格審閱，批准後才可上節目。江欣燕接受訪問時，揚言生活範圍沒有毒品，及後卻自爆早年曾在荷蘭吸食大麻，吸了半支已暈陀陀。
江欣燕昨日到電視台接受訪問，她表示自己很健康，生活範圍都沒有出現毒品，連朋友都不會接觸毒品，她說：「我唔會攞生命嚟較飛，食完有好大黑眼圈㗎，我買萬幾蚊嘅cream都係唔想有黑眼圈。雖然我有少女嘅外形，但心裏有數知幾歲，健康好重要。」
醒後虎紋盡現
誰知江欣燕愈說愈興奮，竟突然自爆數年前曾吸食大麻，前言不對後語，她說：「早幾年我去荷蘭，同朋友喺街嘅售賣機買咗啲大麻，返去酒店房食，吸咗大半支後覺得天旋地轉，醒咗時發覺眼啲虎紋出晒嚟，房度本來有嘅食物唔見晒，可能我旋緊時食晒。」雖然在荷蘭吸食大麻是合法的，但香港藝人自爆曾吸食大麻相當少有。
江欣燕丈夫吳積遜在中環開設Dragoni，問她經常到夜場會否很易受毒品引誘，她說：「唔會，老公個場係高級場，就算陀地收數都唔肯畀，我哋buy警察都唔buy陀地，唔會畀人帶嘢（毒品）入嚟，否則成日查牌，續唔到牌仲大鑊。」
開10場舞台劇
此外，張達明錄影後接受訪問，談到有傳他會與周星馳合作搞舞台劇，他說：「暫定想喺紅館開10場，我哋諗住搵啲唱得之人做男女主角，仲有啲活力新人嚟表演。」
採訪、攝影：馬建華