社會進步，但很多人思想仍然十分守舊，遲婚女性未必再受歧視，但要忍受一句「老姑婆」稱呼也不是奇事，網民joke在she.com問「老姑婆有乜特徵？」他認為超過40歲，未結過婚又冇拍拖便屬老姑婆，其他人多指老姑婆都是性格乖張難相處的人。fa12稱公司內有幾位年過36歲單身女子，「她們全是工作狂，身居要職，因為沒有街去，所以常常叫下屬陪她們開OT。上個月公司來了一位比她們年輕好幾年的男士，那班女人即刻扮到花枝招展上班，博他好感。」
ss則為所謂老姑婆平反，「年過40而未結婚的女人我識得好少，最熟係媽媽兩位朋友，佢哋兩位都好好人，一位好細心，總係靜靜地幫助人照顧大家，另一位好開朗，成日笑又好識搞活動，係大家嘅開心果。」
「無人估到我44歲囉」
行年44的hehe不認是老姑婆，「我未結婚，無拍拖，成日着黑色衫，得閒玩吓Gym，跳吓aerobic，行吓山，睇吓movies，去吓旅行，上網chat吓，使晒自己份人工，生活幾寫意喎，我一啲都唔覺自己有老姑婆feel喎！希望人哋都唔覺啦！不過都無人估到我44歲囉！同埋我都唔鍾意男人喎！」