「呢度係男人嘅世界！」浴德池56年來嚴格執行謝絕女賓的政策。負責人范剛強調從未破戒讓女性入內洗澡，即使曾志偉父親曾啟榮當年貴為警長，他也一口拒絕讓其太太入內查看的要求。直至去年女歌手何韻詩「包場」拍攝《禁色》MV，浴德池「謝絕女界」鐵律才遭打破。
「嗰陣時係男人至搵到錢、消費得起，所以開舖嗰陣冇諗過要開女賓部。」范剛說，浴德池從不招待女性，門外也有招牌大字標明「謝絕女界」，但多年來也有女子企圖闖入，藝人曾志偉母親正是其一。
破例准何韻詩入內
「曾志偉個老竇成日喺度打躉，佢阿媽懷疑我哋有黃色嘢（色情服務），試過想走入嚟睇吓，我哋死都唔肯。最後佢搵咗曾志偉陪老竇嚟，先至放心。」范剛笑說，除了曾志偉母親外，歷年來還有不少女士們誤闖浴德池被拒，引來不少笑話。
近年浴德池已成為電影取景地點。繼電影《半支煙》借來取景後，去年歌手何韻詩也借浴德池拍攝MV，並與黃耀明雙雙浸浴。隨着浴德池結業，何韻詩成為56年來唯一浸過浴德池的女性，真正是前無古人，後無來者！
本報記者