假如，上海社會保障基金喺我手上，而又可以合法使用的話，我一定唔會用來投資房地產，而足球博彩必然係我嘅投資首選！
國內同胞嘅血汗錢社保基金，竟然非法被官員挪用，實在天理難容！不過，佢哋攞咗差不多40億港元，唔係花喺吃喝玩樂上面，而係投資公路，點知事件最終都曝光。
如果佢哋識得玩足球博彩，將足球博彩視之為保本投資，投資策略唔好咁貪心，搵啲近期表現好嘅隊伍，作為長線投資工具；雖然一樣都存有風險，但如果睇得準，識得專搵強隊作重點出擊，其實係好有可能搵到穩定嘅回報，可能唔會咁快東窗事發，搞到身敗名裂。當然，在此事先聲明，佢哋今次嘅行為，確係極度令人反感。
足球博彩保本投資
假如我係陳良宇，今、明兩晚我會投資阿仙奴、車仔、AC同華倫，玩條4串1，就可以有一、兩倍收穫！如果認為高風險，就不如分開大細注！大注要車仔串華倫，細注就要「兵工廠」夾AC，都有兩成回報㗎！
喺名牌球隊之中，巴塞近期後防的確存在問題，面對兩翼快速側擊，地波傳中就有啲缺口，上場對華倫已經中招；至於「紅魔鬼」曼聯，最大問題係近期入球數字偏低。
周鵬
商業1台《球迷集中贏》主持
電郵：[email protected]