愈來愈多人鍾意去旅行唔跟團，自由行亦好方便。不過孤寒如我，唔想買書搵資料，最好方法都係上網。要數料最齊又update的網站，當然是每個國家旅遊局的網站，除了可以搵到最新的旅遊資訊，好多網站都提供一站式的服務，由訂機票到book酒店甚至買音樂會飛，click一click就得，而且仲有優惠同遊戲，分分鐘免費旅遊。
記者:梁學文
英國旅遊網onlineshop貨品最實用
論功能和onlineshop貨品多元化，英國旅遊局網站肯定數一數二，唔單止有齊旅遊資料，又可以book到酒店同機票，最厲害是連musical飛都訂得到。去英國玩，最大的樂趣當然是去博物館、畫廊同operahouse，不過好多時排隊買飛入場已花上大半天時間。想省時又有優惠，在英國旅遊局網站的onlineshop買定張pass就最好。一來較到達後買平，二來慳到排隊時間。網站最受歡迎的是LondonTravelCard，買一張就不用再擔心當地交通問題，任何公共交通工具都任搭。不過最值得買的是GreatBritishHeritagePass（簡稱GBHP）。一張GBHP價值28英鎊，就可以在4日內去盡550個景點，好似BlenheimPalace、WindsorCastle同HamptonCourtPalace等等。如果分開逐個地方買，28鎊最多只可以去2個地方，現在28鎊就可以去勻550個景點，慳唔少！而且現在透過網站購物滿2,000蚊，還有贈品送。
英國旅遊局網站:www.visitbritain.com.hk
英國旅遊網免費贈品得獎方法:
由即日起至10月11日晚上11時59分的首30個香港居民在英國旅遊局網頁onlineshop購物超過HK$2,000（以每次成功交易計），及在SalesandDiscount欄內Couponcode方格填上代號ADNEWS06，就可以得到CatamaranCruisers倫敦泰晤士河觀光船券乙張（有效期至2006年10月31日）。如果購物超過HK$2,800，額外還可以得到2006年的4天GreatBritishHeritagePass乙張。詳情可參閱www.visitbritain.com.hk/shop。
芬蘭旅遊局有片睇
自從YouTube成為網友新蒲點之後，旅遊局的網站又點可以無片睇？芬蘭旅遊局的網站唔單止有靚相，仲有片睇。雖然短片只有1分鐘，不過有聲有畫，點都好過齋睇相咁寡。而且網站是全中文的，地方介紹的資料亦齊全，不過就無得book酒店，可以說是網站的缺點。
芬蘭旅遊局: http://www.visitfinland.com.hk
台灣網明星代言活動多
要吸引人去瀏覽，除了有優惠之外，好似台灣觀光資訊網，請阿妹做代言人，而且仲成日搞活動，好似5月份就有個「妹力台灣之旅」。現時至11月26日，逢星期六、日有「探索台中．青春列車」免費專車遊台中，好抵㗎！而且仲不時有大抽獎和比賽，比賽勝出的分分鐘有機會免費遊台灣。
台灣觀光資訊網 http://www.taiwan.net.tw
韓國網今日星蹤都有埋
韓國觀光公社個網站資料勁豐富，連韓國明星的今日星蹤都差唔多有埋。想去韓國追星？出發前記得上一上韓國觀光公社check一check，可能有意外收穫。另外，網站內亦有介紹韓劇的拍攝場地，仲有詳細地圖和介紹，方便遊客到訪。韓國的手提電話系統跟香港的唔同，除了用3G之外，亦可以租用當地的電話，在觀光公社的網站內可以預約租手機，非常方便。值得一提的是網站提供搜尋服務，只要輸入相關字眼，就可以找到相關資訊，算是其中一種便利的工具。
韓國觀光公社:www.tour2korea.com
