好！車一車個澳洲新外援去和富大埔試腳，話晒佢人生路不熟，做人要講義氣嘛！原先想幫吓手啫，諗住放低佢，就即刻閃返屋企，點知畀和富大埔嘅足球熱誠吸引住，睇足晒佢哋全課操練！
照顧球員增歸屬感
以球會友，一坐低身邊有兩位前輩，討論球隊嘅內部情況，晚輩攀談之下，發現兩位原來係和富大埔嘅球隊領隊及秘書，嗰日就算有雜誌記者為球隊做專訪，兩位言行都十分低調，冇用太多時間招呼記者；相反，一直討論關心球員起居飲食嘅事項……
原來，和富大埔將原先喺村校嘅舊址，改建成球會宿舍，有會議室、娛樂休息室以及飯堂，球會為球員提供一日三餐膳食，的確非常照顧球員，從球員的休息及膳食着手，既能凝聚球員，又可以增加歸屬感；另外，集中球隊嘅設施，擺脫咗香港職業足球傳統嘅「游擊隊式」練習，球員毋須再「聽日去邊處練呀？唔知喎！問吓先！」
今日和富大埔主場對南華，真希望他們能夠好好加油！
馮嘉奇
碩士球員讀萬卷書，親身歷盡各國足球風情。