煲呔噚日喺中大校友何安達同蔡子強嘅悉心安排下，膽粗粗踩入中大，喺逸夫書院周會上演講，中大同學出名唔聽話，新亞同學更愛「手空空，無一物」，當年為咗反對邵逸夫堂命名，搞到校長頭都大晒。
煲呔最近學咗中國領導人講「務實」，乜嘢係務實，唔使講到明，即係叫大家唔好講理想，例如一國兩制、高度自治或者民主普選呢類嘢唔好再提，佢都算係識時務。不過昨日佢又竟然叫班大學生要有理想，莫非思覺失調？
煲呔可能知道自己冇陳太咁有charm，所以猛話做領導係一份好平淡同乏味嘅工作。咁八方都好同意，無論做領導也好，做一般人都好，都係要腳踏實地做人，但係要做領導，全冇創意全冇願景都係死梗。